By Victoria Shigwedha
Ngoloneya goshitopolwa shaShana Hofni Iipinge, okwa gandja olopota yo pashigwana yo shitopolwa shashana yomayalulilo goshimaliwa yo mumvo 2025/2026. Shika oshali shaningwa momaandaha.
Shika oshali shaningwa shiikwatelela kokatendo (110A ) kekotampango lya Namibia.
Olopota ndjoka oya gandja oompito opo ku vule okutalika iilonga mbyoka ya longwa tashipitile mombelewa yangoloneya okutameka omvula yaziko sigo omvula ndjika.
Shino ohashi ulike wo mpoka oshitopolwa shina okuhambelela omolwa iilonga mbyoka shalonga iiwananawa.
Olopota ohayi ulike wo omashongo ngoka haga yi iilonga yombelewa yangoloneya moshipala. Nashika ohashi ningi oshinakugwanithwa opo ku vule okutula miilonga mpoka yali ya longa onkudhu ya vule okupukulula po mo mvula tayi ka landulako.
Pehala opo tuu mpoka , Iipinge okwa li atumbula kutya oshitopolwa otashi tsikile nokudhana onkandangala okuhinga ehumokomeho niipindi.
Okugandja omayakulo gopuundjolowele osho wo omayukulo ngele tashiya kelongo.
Osho wo iinakugwanithwa yilwe mbyoka hayi vulu oku eta iiyemo.
Ngoloneya okwa gwedha po wo kutya oshitopolwa oshandhidhilike sha adha omalalakano pethimbo yoshikako shomayalulilo goshimaliwa gomvula yaziko osho wo omvula ndjika.
Oshitopolwa okwali shavulu oku adha omalalakano gamwe go miinakugwanithwa mbyoka yali ye yi inekelelelwa kepangelo.
Iipinge okwa gwedha po ngaashi egwopevi lyiimbuluma noopelesenda omulongo nandatu 13% , okuza kiipotha 11 804 mbyoka yali ya lopotwa okuza momuvo 2024/2025. Mongashingeyi iipotha mbyoka momuvo 2025/2026 ,iipotha owala 10 267 yali ya lopotwa.
Iipenge okwa gwedha po tati ombaanga yuunamapya yo Agribank oya li ya gandja oshimaliwa shoondola dha Namibia tashi tengenekwa shithike pongushu yoomiloyana mbali oshikwanu hetatu (N$2 800 000). Oshimaliwa shika oshali sha nuninwa oproyeka yuunamapya kiitopolwa yo ko nooli ya Namibia mwakwatelwa Oshana.
Ombaanga onene yehumo komeho ya Namibia (Development bank of Namibia), oya li ya taambako oproyeka yoshitopolwa shaShana yi thike poshimaliwa sha Namibia sho ngushu yoomiliyona omulongo nayimwe oshikwanu ndatu (N$11 300 000).
