Geingob eegulula omagumbo ge li 1300 mOshakati

Ku Eliaser Ndeyanale

OMUPRESIDENTE HAGE Geingob okwa eegulula omagumbo ge li oyovi limwe nomathelegatatu (1300) molukanda lwa Ehenye mOshakati. Omagumbo oga li ga egululwa mEtiyali lyoshiwike shika.

Omagumbo oga li ga tungwa kohi yo prohalama yokutunga omagumbo ogendji ndjoka hayi ithanwa Mass Urban Land Servicing Project (MULSP) ndjoka ya li ya tamekithwa momumvo 2015.

Oprohalama ndjika oya li ya tamekithwa moondoolopa ngaashi Oshakati, Walvis bay noshowo Ovenduka.

Sho a li apopitha oshigwana pethimbo lyokugandja omagumbo kooyene ya go, omupresident Geingob okwati otashi uvitha nawa okumona ekoko lyo prohalama ndjoka   mOshakati.

“Epangelo olyuuviteko kutya okukala negumbo osho uuthemba womuntu kehe, onkene otwa tokola kutya omukwashigwana kehe goshilongo shika okwa mona egumbo ewanawa kondanda yishi okwiidhdhimikilwa

“Ngashiingeyi mOshakati  ota tu gwanithapo euvaneko ndyoka. Onda pandula wo elelo lyondoolopa yaShakati sho lya kutha etokolo lyoku kwata omukundu gomagumbo moshipala mo Namibia. Ngashiingeyi onduuvite kutya omagumbo ge li eyovi limwe oga manwa okutungwa noomahala gokutunga omagumbo ge li omayovi ga tatu (3000) (oga manwa okutulwa olusheno, omeya, oopaipi dhomeya gonyata noshowo oopate – ta shiti omahala ngoka ngashiingeyi otaga vulu okutungwa omagumbo).

”Andola nena katu li po pEhenye mpaka andola kashali kiilongapondoli yamwene gomukunda Ehenye ngoka a kwathele epangelo lyetu nokugandja evi opo puwape okutungwa omagumbo.

“Mbika oyo iizemo tatu mono uuna tatu longeleni kumwe ongaaNamibia mombepo yo Harambee,” osho omupresident apopi ngaaka.

Geingob okwa gwedha po wo tati kutya omahumokomeho goludhi nduka ka geshi owala ga nuninwa ehumokomeho nekoko lyondoolopa yaShakati ndele nokugandja wo oompito dhiilonga kaakalimo.

“Uuna aantu taya vulu oku imonena omagumbo omawanawa gopashinanena, kehe gumwe otavulu oku mona egumbo. Egumbo ewanawa ota li eta neputudho lyuunona kaakuluntu yawo oshoka itaya kala yena ethindokano lyomadhilaadhilo.

“Olopota dhomapekaapeko otadhi ulike kutya aantu mboka yena omagumbo omawanawa ohaya dhilaadhila nawa yevulithe aantu mboka kayena omagumbo.

“Onkene elelakano lyetu lyokutungila aakwashigwana yetu omagumbo kalishi owala oku tula oshilongo shetu pamuthika guli nawa pamahupilo ndele olyokunyanyudha  nokukaleka po uundjolowele moshilongo.

“Onda hala wo okupandula ayehe mboka ya li ya longo mpaka opo oprogralama ndjika yokutunga omagumbo ogendji yikale ya tulwa miilonga. Iilonga neyitulemo lyeni oya kwatha opo tu adhe ompito ndjika yokugandja omagumbo kaantu yetu.

“Pehulilo mpano onda hala wo oku endulula euvaneko lyepangelo lyaNamibia oku tsikila okuthitha aatondi ngaashi ondjala, oluhepo noshowo okwaana olukalwa.

“Inatu mweneni nande oku omanga inatu gandjeni, omahala gomalukalwa, iipalutha yagwana noshowo onkalo yili nawa,” osho tatekulu Geingob apopi ngaaka moshipopiwa she.

Sho a li apopi poshituthi shegandjo lyomagumbo oministeli yehumokomeho lyomiilando niitopolwa yomuushayi omundohotola Peya Mushelenga okwati epangelo oli li lya tala ko egumbo ongo mpumbwe yotango ndjoka omuntu a pumbwa oku kala ena nepangelo ota li tsikile noku gandja omahala gomalukalwa, omeya gayela, uuyogoki noshowo olusheno.

“Ondapandula elelo lyondoolopa yaShakati kiilonga lyalonga sho lya tungu omagumbo kondando tayi vulika kaakalimo ya mo.

“Ondahala yo oku indila elelo lyondoolopa yaShakati opo li longithe oshimaliwa shoka lya mona melanditho lyevi lishi tule mehumokomeho lyoshilando ngaashi oku wapaleka evi lyokutunga omagumbo opo oomahala ngoka ganuninwa okutungwa omagumbo  ga vule okulongithwa,” osho omundohotola Mushelenga afatulula.

Okwa indile wo oyene yomagumbo yakwate nawa omagumbo gawo, ga kale ga yogoka noya kune mo iimeno.

Shika otashi ti kutya omupresident okwa eegulula owala egumbo limwe alike pehala mpoka pwa tungwa omagumbo ge li eyovi limwe nomathele gatatu. Ndele kashishi kutya omupresident Hage Geingob okwa li ta end eta egulula egumbo negumbo.

Eyegululo lyegumbo ndika olya kalelapo omagumbo agehe ngoka ge li pehala mpoka.

   

A PHP Error was encountered

Severity: Core Warning

Message: Module 'imagick' already loaded

Filename: Unknown

Line Number: 0

Backtrace: