Omunangeshefa ta futitha omuselekadhi o N$600 000

Ku Eliaser Ndeyanale

OMUNANGESHEFA gwedhina Laban Kandume okwa fala omukulukadhi gwa nakusa Erastus Kayambu Amupolo kompangu yopombanda  opo aniwa afutwe omukuli goshimaliwa shu uka poodola dhaNamibia N$600 000.

Kandume okwa li a niwa agandja omukuli go N$465, 454, 45 ku nakusa tatekulu Erastus Kayambu Amupolo opo aniwa avule okufuta evi lyokutunga olukalwa kelelo lyondoolopa yaShakati.

Ehala ndyoka otaku ti olya dhidhilikwa no nomola yo 4107 oli li ko kehala lyomagumbo gondilo mOshakati ha li ithana Extension 16.

Kandume ota popi wo moombapila dho court kutya okwa hala opo o Master of the High Court li u li ke omugwanithi gwetestamendi lya nakusa tatekulu Amupolo.

Otati wo pauvathano lyawo na nakusa, osha li sha uvathanwa kutya evi ota li kala lya shangithwa kedhina lye (Kandume) sigo ethimbo ndyoka lya pwa okufutwa.

Ta hokolola wo kutya ehala ndyoka olya li na oku shangithwa kedhina lye momasiku 22 March 2017 opo wo a vule oku pewa onzapo wuumwene wevi.

Ashike shika omusekadhi meme Jutty Amupolo okwe shipataneke moombapila dhe dhoka dhi li mompangu yo pombanda yaShakati kutya ehala ndyoka olya li lina okushangithwa kedhina lyaKandume.

Ota popi wokutya ye okwa lopota eso lyomusamane gwe ko Masters of the High Court ngaashi naanaa sha uthwa koveta yi na sha nuuthiga yomumvo 1965.

Ota popi wo kutya eso okwa li e li lopota mesiku lyotango lyaMaalitsa mo 2018 nokonima o Masters of the High Court oye mu u like momasiku 16 Mai 2018 aninge omugwanithi gwetestamendi.

Nakusa tatekulu Amupolo okwa hulitha moshiponga shoshihauto momasiku ga 3 August 2017 ahulithile koshitopolwa shaMaheke hoka a li ena ofaalama.

Sho apulwa kombinga yoontamanana,  Kandume okwati ye kena oontamanana naapambele ya tatekulu Amupolo nenge nomukadhi kuku Jetty ashike ye okwa hala owala ehala ndyoka a landa na ngele meme Jetty okwa hala evi ndyoka na shunithile Kandume oshimaliwa she.

“Onda landa ehala ku nakusa, nde li landa koshimaliwa sho N$400000 nasha nde li landa oku pitile moohahende dhandje dhoka dhe shi futa wo kelelo lyondoolopa yaShakati. Ehala ndyoka oli li ko Extension 16 mOshakati ashike ngele oye li hala otaya vulu owala oku li kutha po yo taya shunithilendje oshimaliwa sha ndje. Oshimaliwa shoka ondeshi longela inashi gwa mewangandjo,” osho Kandume ati nee ngaaka.

Sho onzo kundana ndjika yayi pehala mpoka, otwa mono kutya pehala mpoka ina putungwa sha natango. Na Kandume okwa zimine wo kutya pehala mpoka ina pu tungwa sha natango.

Omanga omuselekadhi ina monika opo atyeko sha koshinima shika.

A PHP Error was encountered

Severity: Core Warning

Message: Module 'imagick' already loaded

Filename: Unknown

Line Number: 0

Backtrace: