Omukulupe adhipagwa koboma

Ku Eliaser Ndeyanale

OMULUMENTU gomimvo omilongo hamano nomugoyi ngoka e li omukalimo go momukunda Ontanda mUukwaludhi okwa mana oondjenda dhe sho a li a yahwa koboma mOsoondaha ya zi ko.

Omulumentu gwedhina Johannes Sheehama Hamukwaya okwa yahwa koboma manga a li ta fulu oshithindi mepya lye ndyoka taku tiwa oli li popepi nondjala.

Omupopiliko gopolisi moshitopolwa shaMusati, inspector Linekela Shikongo okwati iitopolwa yolutu lwa tatekulu Johannes oya li ya adhika ya halakana pehala mpoka a li ta longo.

Omudhimba gwe ogwa li gwa falwa kokila yo police kOkahao, opo gu kaningilwe omakonaakono.

Shikongo okwa ti oboma oya tegwapo pethimbo lye kondjelomanguluko no ya li ya topopa lo potundi ontiheyali yongula ya pita oominute omilongo ndatu lwaampoka.

Oboma ota ku ti wa oya longwa ngeno yoku ya ha iihauto. No pehala mpoka tatekulu Johannes ayahelwa ota ku hokololwa kutya olya li okamba yomakakunya.

Moshiningwanima shilwe shi li, Opolisi yomoshitopolwa sha Hangwena oya li ya kwata po Omulumentu omugundjuka sho adhipaga yina namuvala, omumwayinamati, okanona okashona nokwa li wo ehameke natango okanona kamwe okashona. Pamahokololo ota ku ti omufekelwa okwa longitha kalikeelelwa sho a longo Iilonga mbika.

Omupopiliko gopolisi moshitopolwa shaHangwena, Abner Itumba okwa ti nakudhipaga aantu mbaka okwa kwatelwa komiya dhaShinana pomukunda Okakwa sho a li afadhukapo konima sho a li alongo Iilonga mbika iikumithi.

Itumba okwati oshiningwanima osha li sha ningwa ongula onene yEtiyali oshiwike shika momunda Epandulo.

Okanona hoka ka monithwa oshiponga oka falwa koshipangelo shaShakati. Ota ku hokololwa kutya okanona haka okatetwa mokugulu noku tetwa wo oonyala mbali. Edhina lya ko olyo Rejoice Petrus.

Omulumentu nguka ota ku hokololwa kutya okwa dhipaga wo iikombo ihetatu noku ehameka ombwa yaandjawo.

Oonakusa otaku ti oyo Vilgenia Teofelus (61), Simon Petrus omunamimvo omilongo ndatu nosho wo Ndapandula Ndahalavaonhu gomumvo gumwe

Oonakusa ota ku hokololwa kutya oya shwa iikando oyindji komitse.

Omufekelwa ngoka ka li nantango ina holoka mompangu ota tamenekelwa omatamaneko gane mwakwatelwa omahepeko goomeme nuunona, emonitho lyiihuna nehepeko lyiinamwenyo.    

Uunona ishewe umwe womegumbo moka u li uyali owa li wa fadhuka po ethimbo lyoshiningwanima shika.

Ngashiingeyi ou li ta umono ehungomwenyo. Oshi etithi shedhipago kasha li sha tseyika pethimbo oshifoshika sha li sha yi koshinyanyangidho. Ashike ota ku hokololwa kutya omufekelwa okwa adhika opo eyapo pegumbo oshiwike sha zi ko konima sho alia ninga omasiku aza po.

Otaku hokololwa wo kutya omufekelwa oha mono iinima aniwa mwakwatelwa aantu. Ano homono ashike aantu omanga ngele oku li nande onomuntu gulwe omuntu ngoka aantu mboka yewetike komufekelwa keya mona.

A PHP Error was encountered

Severity: Core Warning

Message: Module 'imagick' already loaded

Filename: Unknown

Line Number: 0

Backtrace: