Ya hala okutunga ehongwafano lya Nujoma pOkahao

Ku Eliaser Ndeyanale

ELELO lyondolopa yaKahao yi li moshitopolwa sha Omusati olya tokola oku tunga ehongwafano lyomukokoli presidende Sam Nujoma noku li tula mondolopa moka nedhilaadhilo lyokuhila aatalelipo.

MEtiyali lyoshiwike lelo lyondoolopa olya ulike aanamake ye li omulongo nayane opo ya kwathele elelo lyondolopa mo ku gwanithapo oshilongadhalwa shika.

Oomwaalu ogu ndji gwa mboka ya u likwa oyo aakulupe ano aantu mboya ye li mopenzela ngaashi ambassador Nangula Iithete ngoka a li nale omukalelipo goshilongo ko France ngoka oye e li omupevinashipundi gokakomitiye hoka.

Yamwe yo ye li mokakomitiye moka oyo mboka ya li oomushanga taya kalele muuministeli wa yooloka ngaashi ambassador Hopelong Ipinge ngoka oya a li nale amushanga ta kalele moshikondo shoonakulwa aakulu.

Yakwawo oyo oomushanga nale muuministeli u unamapya, omeya nomakuti Josef Iita na Dr Ndeutala Angolo. Osho wo ngoka a li nale  Mayola gondoolopa Hilda Namwenyo Haipinge noshowo Brigadier General e li moshipundi shevululuko David Shiimbi.

Iilyo yimwe yokamitiye hoka oyo omunangeshefa David Sheehama David, kansela goshikandjohogololo shaKahao Leonard Shikulo, omunambelewa omukuluntu melelo lyondoolopa ndjoka Timoteus Namwandi, ngoka a li nale omunambelewa omukuluntu melelo lyondoolopa yaVenduka omusamane Niilo Taapopi noshowo councillor gumwe gomelelo lyondoolopa ndjoka Tate Johaness Uushini nomulongo omukulu ngoka a li wo omutaleliskola Tatekulu John Kandombo         

Mayola gondoolopa ndjoka okwati aantu mboka ye li mokamitiye moka oya ta li ka kutya oyena otseyo oyindji noya endaayenda miilongo.

Ashike molufo ta lulandula meme Cornelia Iiyambula okwati otaya ka tula mo wo aanyasha mokomitiye ndjoka opo wo nayo yiilongeleko sha.

Sho apulwa kutya ehongwafano ndyoka ota li ka kotha ingapi, Mayola gondoolopa ndjoka meme Cornelia Iiyambula, okwati pethimbo ndika ka pe na natango ontengenekothaneko kutya ehongwafano ndyoka ota li ka kotha ingapi.

Okwa gwedhapo wo kutya elelo ndyoka ota li katunga omisiuma yomithigululwakalo yoshiNamibia. Omisiuma ndjika otayi katungwa aniwa pehala mpoka hapu ningilwa eulikilo liipindi ha li ithanwa Ehao Cultural Expo.

Mayola otati iinima ahiye mbika otayi ka eta  aatalelipo oyendji moshilando shoka notayi endele wo pamwe noondungethaneko dhepangelo ngaashi Vision 2030, NDP5 noshowo Harambee Prosperity Plan.

A PHP Error was encountered

Severity: Core Warning

Message: Module 'imagick' already loaded

Filename: Unknown

Line Number: 0

Backtrace: