By Gabriel Iipinge
Omupresidente Netumbo Nandi-Ndaitwah okwa ulike Major General Anne-Marie Nainda onga omukuluntu gwetanga lyopolisi yaNamibia pakathimbo, meendelelo. Nainda ota kala pehala muule womumvo gumwe , konima yaangoka e li omukuluntu omutiyali gwopolisi General Joseph Shikongo.
Ombelewa ya Presidente oya ti, euliko olya ningwa momulandu nooveta dhomalelo dhoka tadhi pitike omutse gwoshilongo ( Netumbo Nandi-Ndaitwah) a ulike ngoka ta kwatele omatanga gopolisi komeho nenge ngoka ta ningi omukuluntu gwopolisi. Shika otashi yelitha etsikilo muuleli netulo miilonga lyooveta moshgilongo.
Nainda oku na ontseyo yopombanda muunambelewa wopombanda wopolisi ngoka a kala miilonga, noshowo amushanga momumvo 1992 sho a yi metanga pomimvo 18. Okwa tameke omayakulo ge mopolisi yaVenduka unene tuu moKatutura, moka a mono ontseyo kuuyele momapulaapulo nomapekapeko gopolisi. Nainda okwa yi pombanda miilonga ,meembandi noshowo moshikondo shomapekapeko. Okwa kala wo omuungaungi gwiipotha mOvenduka, moka a longo niipotha ya konda oongamba niipotha muuyuni ngaashi eyakelemo lyiingangamithi, okatoo, nuufuthi wiiyenditho. Nainda okwa longa wo moshilando shaHarare onga omunambelelwa omukuluntu gwoshitopolwa, ta tala kiipotha yomahepekathano nokulandula mboka ya fudhuka po opoilisi.
Olweendo lwe lwokulela olwa tsikile sho a ulikwa onga omukuluntu moshitopolwa shaShikoto, ehala ndyoka lya nkondopaleke ontseyo ye mokulonga niilonga yopolisi pankatu yopashitopolwa. Momumvo 2022, okwa li a tulwa pombanda ponkatu yuukuluntu nokwa ningi omukiintu gwotango omuNamibia omukuluntu peha gwopolisi, moka a li noshinakugwanithwa shuunambelewa metanga.
Nainda okuna onzapo yoMaster degree mo International Relations and Diplomacy Management moshiputudhilo shaSouth Africa , meilongo lyo Public Administration and Management nonzapo onene yopashigwana muudhindoli wopolisi. Euliko lye onga omukuluntu gwopolisi olyeya pethimbo ewinayi nolya piyagana metanga lyopolisi, tali mu tula pombanda yelelo lyokununga nokutula ooveta miilonga moNamibia. Nainda okuli wo a tegelelwa a gandje uuleli we ketanga lyopolisi pethimbo lyokulela kwe, tashi tala okukaleka omilandu nooveta moNamibia noshowo enkondopaleko lyiilonga yopolisi.
Okuulikwa kwe otaku ulike onkalo nompito yuuleli ya simana metanga lyopolisi yaNamibia sho oshilongo tashi tsikile okugandja omaupyakadhi megameno nuukalinawa.
