By Gabriel Iipinge
Omupeha presidente Lucia Witbooi okwa kwatele komeho etalelopo lyomakonakono geyambulepo taliyi komeho mondjila yaShakati naMpundja-Aluvanda Road (DR3607), moka etungihangano lya thaneka okuyambula po omakwatathano noshowo okunkondopaleka ehumukomeho pamaliko moshigwana moshitopolwa sha Shana.
Witbooi okwali molweendo pamwe na Governor gwoshitopolwa sha Shana , Hofeni Iipinge naanambelewa taya wilike iilonga yehangano , nokwa konakona eyokomeho miilonga yoondjila nokwa mono mono wo onkundana ketulo miilonga lyuuyelele weyambulepo.
Etalelopo olya tungu oshilyo shethaneko lyomaidheulo taga tsikile ga Witbooi moshilongo, shoka lya landula etalonawa lyethikitho lyomayakulo, eyambulepo lyomatungo oshowo ekwatelo komeho lyiilonga lya thaneka okuyambula po oonkalo dhomalukalwa moshigwana.
Ondjila tayi longwa oya tegelelwa yi nkondopaleke omakwatathano pokati komidhingoloko, tayi humitha komeho ompito komayakulo ga simana, tayi kwathele oompito pamaliko noshowo gwedhela omainyengo gaantu niinima moshitopolwa sha Shana nopiitopolwa yopuushiinda.
Witbooi okwa popi pethimbo lyekonakono moka a kwashilipaleke iilonga ya simana yomatungo gongushu taga yambidhidha ehumukomeho lyokuushayi, etsomukumo mekoko lyomaliko moshitopolwa neyambidhidho lyomathaneko omanene gepangelo gehumukomeho lyoshigwana.
Witbooi okwa popi tati, ” Onda nyanyukwa okuuva eyokomeho lyiilonga yoondjila. Okukala wu na ondjila ya ukilila noya yela , osha simana poompito odhindji. Nonando hapu kala omayimbo miilonga yoondjila, natu lalakaneni tu mane ondjila pethimbo opo oshigwana shi inyenge nawa nomayakulo ga thike pomahala nopethimbo.”
Okwa tsu omukumo omatungi hangano ga endelele opo oondjila dhi kale dha pwa muule wethimbo lya kundathanwa nenge lya tulwa po nokwa pula wo omalelo naakuthimbinga ya popye omashongo taga vulu okuya epatululo lyopambelewa nelongitho lyondjila koshigwana.
Eyambulepo lyondjila pokati kOshakati nOmpundja olya tegelelwa li gwedhe po kehumo komeho pashitopolwa mokukandulapo omukundu gweeyendathano lyaantu negandjo lyomayakulo.
