By Gabriel Iipinge
Iilyo yiitayingeleka yaEvangelical Lutheran moNamibia (ELCIN) noongeleka dhalwe odha gongala mOnakaheke mOlyomakaya kongulohi komagalikano goonkondo taga ningilwa olukongo lyomumati omugundjuka Beatus Tuna Iiyambo, ngoka a kana oomwedhi dha piti mOvenduka.
Oshiithanene osha eta kumwe aaleli yoongeleka, aagundjuka, aapambele naakalimo momidhingoloko dhopopepi mogalikana, okuhambelela nokekumagidho pethimbo lyuudhigu.
Egongalo olyali lya udha omayeme sho aahambeleli yali taya imbi omayimbilo gopambepo nokugalikana omuwa a uve omakemo gawo. Omagalikano ogali ga kwatelwa komeho kumusita gwongeleka yaNakaheke, ngoka a kwatelemo wo omayimbilo gopambepo gaELCIN meyakulo alihe. Omayimbilo ngaka oga li ga hogololwa okunkondopaleka eitaalo nuukumwe mokati kaayitaali pwaana kutya omegongalo lini.
Omusita okwa popi pethimbo lyoshiithanene nokwa fatulula kutya oondjimbo dhopambepo nadhi ete aakriste pamwe nokukwathela aantu ya kale meinekelo pethimbo lyoonkalo dha piyagana.
Omusita okwa popi tati, “Omaimbilo ngaka ogali ga ngongwa okutaandelitha ondjimbo yopambepo yaKalunga nokungungumaneka aantu. Otage tu dhimbulukitha okukala tuna oonkondo meitaalo nokutsikila okugalikana.”
Oshiithanene osha tameke nomahambelelo kongundu yaagundjuka yegongalo lyOnakaheke. Okwiimba kwawo okwaq toto po ewangandjo lyombili pambepo , manga enene galikano inaali tameka. Aakalimo yomomudhingoloko oya hangana wo mokwiimbila pamwe nongundu, nomagalikano, taga ulike oluhodhi kaapambele yomumati ngoka a kana.
Pethimbo lyomapulapulo, yaali yomaahanganithi yoshiithanene oya ulike omukumo kutya omagalikano taga tsikile neyambidhidho lyaakalimo moshitopolwa otali kwathele okweeta omayamukulo ge na sha nekano lya Beatus Tuna Iiyambo.
Omuhanganithi gumwe okwa popi tati, “Otwa inekela kutya manga inatu adha pehulilo lya Meyi nuumvo, Tuna okuna okukala a monika.”
Aakalimo yaza piitopolwa yopopepi oya li koshiithanene, noyendji taye shi hokolola onga ethimbo enene lyokuyambidhidha aapambele yanakuningwa oshihakanwa nomudhingoloko aguhe. Yamwe oyati egongalo olya holola omanenedhiladhilo kontopolwa, uukumwe, eitaalo nomagalikano ga gongelwa pethimbo ndika lyuudhigu.
Olukongo lwa Beatus Tuna Iiyambo otalu tsikile , noonkambadhala dhaakalimo otadhi tsikile sho aapambele naakalimo yeli metimwaumbwile megaluko lye lyamanguluka.
