By Gabriel Iipinge
Iilyo yongundu yoSWAPO momudhingoloko gwondoolopa yOkahao oya ulike euvinayi lyawo kiilonga yokutunga oombelewa dhongundu moshitopolwa tayi ende kashona , muule womimvo omulongo nayimwe (11) sho iimaliwa ya gandjwa kehangano lyokutunga.
Ekemo olyeya konima aayambidhidhi yongundu naakalimo yomomudhingoloko taku lopotwa ya gandja oshimaliwa niitungitho pethimbo lyeyambidhidho lyoshimaliwa lya ningwa opo ku yambidhidhwe etungo lyoombelewa. Aayambidhidhi oyendji oyati kaye na ombili sho iilonga iishona ya longwa po muule womimvo dha pita.
Omunangeshefa a shiwika nawa momudhingoloko , Onesmus Shekuza okwa ti okwa uvithwa nayi keyo moshipala miilonga. Shekuza paumwene, okwa gandja oshimaliwa shoondola dhaNamibia omayovi omulongo (N$ 10, 00O) ketungopo lyoombelewa neinekelo lyehangano lyi nkondopaleke iilonga yongundu momudhingoloko.
Shekuza okwati, “Oshuuvithi nayi konima yomimvo adhihe dhika , nokape na sho sha ningwa po shomupondo.”
Aayambidhidhi yamwe yongundu oya keme oshinima sha faathana , taya ti oyali ya tegelela oombelewa dhi kale dha pwa muule wethimbo ehupi konima yoshiithanene shegandjo lyoshimaliwa. Oyendji oya pula kutya omolwashike omalakano gegandjo lyoshimaliwa ga ningwa manga ehangano inaali ilongekidha okuyta komeho niilonga.
Oya keme wo kutya oya iyamba ya gandje iimaliwa neinekelo ewanawa noya tegelela iizemo iiwananwa sha ikwatelela komathaneko gehangano nomatompelo geyo moshipala.
Omugandjimayele mopolitika, Sam Iiyambo okwa gandja ekemo lye konkalo ndjika, tati eyuvonayi lili maayambidhidhi olyi uvitikeko sha etegelelo ele pwana shoka tashi ulike iilonga.
Iiyambo okwati, “Tse yamwe otwa gandja oshimaliwa ihe sigo omonena , kapena sha tashi ningwa po. Katushi omukundu gu li konima yomashongo ngaka. Onkene, otatu indile kelelo li kuthe onkatu yomeendelelo.”
Aakalimo yamwe oye wete eyimbo ndika tali kutha oshigwana einekelo nokaayambidhidhi yongundu mboka ya ganjako sha keyambidhidho lyokutunga oombelewa dhongundu.
Yamwe oya dhenge omuthindo kesimano lyuushili momatungihangano gomomudhingoloko ngoka ga kwatelamo eyambidhidho lyepangelo. Oonkambadhala okumona omapopyo kelelo lyoSWAPO lyopashitopolwa inaga longa sha pethimbo lyomapopyo.
