By Gabriel Iipinge
Omunangeshefa omulumentu Josef Tulaingepo Andreas okwa tindi omatamaneko taga dhana onkandangala komalungula, tega hokolola onga iifundja, taga ehameke nogeli onakambadhala yokuyonagula ethano lye moshigwana nohokwe mongeshefa.
Andreas okwa tindi omakemo gena sha nuulingilingi, omaidheulo gaana uushili mongeshefa nekwatakanitho lyiilonga yoongeshefa mopolitika, momupopyo go Windhoek-based law firm Afrika Jantjies & Associates mOsoondaha. Omushangwa ogwa totha mo meukililo Kawana Mandume na Nghipundilo ya Shiindi onga yamwe yomwaamboka taya fekelelwa oshinakugwanithwa shoku andjaganeka omalundilo komapandja go Facebook sha ningwa momasiku 15 Meyi nummvo.
Sha ikwatelela komushangwa, omatamaneko klagena uushili notaga teya po ethano lyomuntu moshigwana , nomuntu kehe nenge epandja lyomalungula talika tsikila noku gandja nenge talika endulula omatamaneko ngaka otali ka talela egelo kohi yoveta yaNamibia.
Omapopyo omawinayi ogeya meendelelo pethimbo omalungula taga koko nokulonga mekundukidho lyegwedhelo lyoongoshefa dha Andreas, unene tuu mekuthombinga lye miikondo yoohi okupitila mehangano lyo Gendev Fishing Group, moka a kala mo onga oshilyo oshinene okuza momweedhi Aguste 2023.
Omapopyo gopaveta ulike Andreas onga omunangeshefa paumwene ngoka iilonga yongeshefa ye ya kwatelamo uunamapya, elanditho lyomahooli, eyambulepo lyomaliko, omathaneko niikondo yoohi. Aakalelipo ye yopaveta oya ti omahangano ge ogena omaliko gongushu yoshimaliwa shoondola dhaNamibia oomiliona 250 (N$ 250 million), omanga oondjo dhawo otadhi tengenekelwa poshimaliwa shongushu yoondola dha Namibia sha adha poomiliona 35 ( N$ 35 million).
Omapopyo oga thamuna kutya Andreas kena ekwatathano lyopapolitika na ina kwathakanithwa nande oko ngundu yimwe yopapolitika, komunapolitika nenge kehangano lyepangelo lyontumba.
Omushangwa okwa lesha tagu ti, “ Ita kala omupopiliko, omuhogololwa, omukalelipo nenge oshilongitho shehangano lyopapolitika.”
Aakalelipo yopaveta oya tamaneke Mandume na ya Shiindi monkambadhala yoshiningilewina okweeta iilonga yoongeshefa dha Andreas mopolitika. Olopota oya lalakanena kwaashoka tashi ithanwa omapopyo guuhasha nokwaana uuyelele washa kombinga yoshinima komapandja gopaungomba, tayi popi kutya omapandja gopaungomba otaga longithwa okuyona oonkalamwenyo nomathano gaantu moshigwana pwaana uushili. Aakalelipo oya tumbula omalundilo gokomalungula ngashi pokati ka Geingos na Hashoono (2022) nopokati ka Angula na Tjaronda (2022), taya popi kutya uuthemba wokupopya itawu gamene etaandaleko lyomauyelele komapandja gopaungomba.
Aakalelipo oya londodha taya ti, “ Omuyakulwa gwetu kaleka uuthemba wokulandula omayonaguloge li po, mwa kwatelwa omikalo dhaana uufuthi nenge dhok dhina uufuthi.”
Esheko moshigwana olya ohokwe ompe miilonga yomalungula onga ehala lyoontamanana kiipambele yopapolitika noongeshefa , moka omalundilo taga andjakana meendelelo manga uuyelele inawu yelithwa nenge inawu konakonwa mompangu.
